Bleta që ushqehet me lot njeriu

Shkencëtarët kanë zbuluar një lloj blete e cila nuk preferon asgjë tjetër përveçse të shijojë nektarin e lëngut që del nga syri i njeriut.

Këto bletë ulen butësisht mbi qepalla, aq sa disa njerëz nuk i ndjejnë fare këto insekte, deri sa bletët fillojnë të thithin lotët që dalin nga syri. Edhe po të mbyllen sytë prapë asgjë nuk ndryshon, bleta vijon të thith lotët por me ndërprerje në varësi të përplasjes së qepallave, kjo u bë e ditur në raportin e “Kansas Entomological Society”.

Nga eksperimentet me bletët rezultoi se vetëm pas zbritjes së lotit, njerëzit fillojnë të ndjejnë praninë e bletës e cila thith qetësisht lotin që rrjedh mbi faqe. Por fatmirësisht kjo specie e bletës, lisotrigona nuk gjendet në çdo kopsht pasi gjeneza e saj vjen nga Tajlanda dhe nuk është gjetur ende në Evropë apo Amerikë.