Papagalli fjalëpakë

Papagalli i kësaj historie ishte një tip pa shumë fjalë. Në fakt, dinte të thoshte vetëm: “Nuk ka dyshim!” Për këtë arsye i zoti vendosi një ditë të bukur ta shiste. - Sa kërkon për të? - dëgjoi të pyeste një profesor i ditur që ishte duke shkruar një libër mbi papagajtë.

- Ta lëmë…një milion, - bëri një përpjekje shitësi.

Profesori i përkiste asaj kategorie njerëzish sipas të cilëve kur thua një milion është diçka serioze dhe u lëkund pak. Pastaj mendoi të bënte një provë. Duke iu kthyer papagallit, e pyeti:

- Vlen me të vërtet një milion?

- Nuk ka dyshim! - iu përgjigj papagalli.

Nuk kishte ku të kapej, dhe profesori e bleu: i dukej pothuajse e drejtë që shpenzoi një milion. Megjithatë, kur dëgjoi të njëjtën përgjigje për një qind pyetje të tjera të ndryshme, u zemërua dhe shfryu:

- Vetëm një budalla si unë mund të blinte këtë budallain tjetër!

- Nuk ka dyshim, - e ngushëlloi papagalli.