Një aksident i rëndë rrugor ka ndodhur sot në orët e para të së martës në hyrje të qytetit të Shkodrës e për pasojë 3 persona kanë humbur jetën dhe një tjetër ka mbetur i plagosur rëndë.Nga informacionet paraprake mësohet se një automjet, i drejtuar nga shtetasi 21-vjecar, G. Zaganjori po udhëtonte me shpejtësi tej normave të lejuara në rrugën hyrëse të qytetit. Automjeti i ka dalë nga kontrolli drejtuesit të tij dhe ka përplasur për vdekje dy kalimtare për t’u ndalur vetëm pas goditjes së një shtylle.
Si pasojë e përplasjes së fortë, kanë mbetur të vdekura kalimtaret e rastit Xhevahire Dibra dhe Satbete Belinova, përkatësisht 67 dhe 59 vjeçe. Viktimë e aksidentit ka mbetur edhe drejtuesi 21-vjeçar i mjetit, ndërsa është e plagosur rëndë shtetësja Rezarta Cami, pasagjere në mjetin e drejtuar nga i riu.
0 comments:
Speak up your mind
Tell us what you're thinking... !